باقه من الابوذيـــــــــــــــات المختاره

نبذه عن شعر الابوذياتــــــــــــــــ :ضرب من ضروب الشعر الشعبي وهو مؤلف من بيتين بأربعة اشطر ثلاثة منها في جناس واحد تتحد في اللفظ وتختلف في المعنى وينتهي الشطر الرابع منه بحرفي ( الياء والهاء ). وللابوذية اطوار عديدة يصعب على غير المتمرس التعرف عليها.



اما عن اصل كلمة (الابوذية) فاغلب الظن انها قد جاءت من كلمة الأذى وذلك لما يتحمله صاحب الابوذية من صعاب تجعل منه يقول شعرا يحمل اهات ولوعات . وعلى خلاف ما هو شائع من ان الابوذية يرجع الى اصول فارسية، فهو من بحر الوافر ( مفاعلتن مفاعلتن فعول ) . اضف الى ذلك ان تركيبة الابوذيه لم يطابقها في الفارسيه نظماً مشابهاً له لا من حيث المعنى ولا من حيث العروضلذا فان (الابوذيه) هو فن من الفنون الشعبية العراقية الريفية الاصيلة وهو ترجمة حية لاحاسيس ومشاعر انسانية عاشها الانسان العراقي خلال حقب متراكمه من الزمن . فراح يجسد ويترجم معاناته بلهجته الخاصة وحسب الحوار اليومي الذي يدور في منطقته وكثيره هي اللهجات المحليه في المدينه والريف والباديه وتختلف مفردات حوارها من منطقه الى اخرى . فأبن الريف قد ترجم معاناته بالابوذيه وغيره من الوان الغناء الريفي ، وابن الباديه ترجم احاسيسه (بالحدي والسامري والهجيني والمسحوب وغيرها ... ) . والانباط ترجموا معاناتهم بالشعر النبطي والذي مازال منتشراً في الجزيره العربيه .


وهذه بعض الابوذيات اخترتها لكم واتمنى ان تنال اعجابكم

حزينة الروح وبغيابك شعرنا
وقصايد بيك يمدلل شعرنا
الشعر لو شاب ما نصبغ شعرنا
شبابي يعود من تسأل عليه

************************
مامحدود حبنه وماله جانب
والشافك تسودن ومال جانب
جمالك موطبيعي مال اجانب
احسك من ذهب مخلوق اليه

************************

العقل داخ بغرامك وك ولع بيك
وجان ارماد كلبي وك ولع بيك
سوي اشما تسوي وك ولع بيك
ولاكلك شنو السويته بيه

************************

هـــا ناح الكلب هـــا نحب هــــــــا ون


على ولفي اليدك بالكلب هـــــــــــــاون


اجيك من صحتلي بصوت هــــــا وين


ها راحل بعد ماكـــــــــــــــــــو جية
********************************

حبيبي طوّل الغيبة ولا آب

يتيم او لا اهل عندي ولا أب

مريض النوب جابولي سفن آب

شربت كراش من غصبن عليّ
*******************************************

محنه اللي ندنج الراس محنه
لغير الله العزيز الراس محنه
ويبقى الراس فوگ بيوم محنه
ومينزل غير في جية المنية
*****************************

اليوم عندي عيدين ياناس موعيد
شفت حبيبي بالعيد صدفة بدون مواعيد
راح اصيح بصوت واحد وماعيد
انا اله ياناس وهو ليا
****************************

طير انت حبيبي ومعلي بسماي
انا اذوب لو انتى صحت بسماي
عطشان وردت منك بس ماي
ليش تعوفني وتخلي العطش بيا
*****************************

يمن وجهك بنص الليل .. لالة
شنو امك بالنساوة اشتهت .. لالة
من اكرّب ليك ليش تصيح .. لالة
خايف لا تموع ابين ادية
*****************************

صار الكلب كاسك ..وأنت كاسه
والميحبك خساره ..وانتكاسه
لو العب ابدوري ..وانته كاسه
اشيلك حتى لو خسران ميه
**************************